[2016 復活假不能浪費之食盡亞洲at澳門withBFF] 關東煮手作坊

這個旅程叫作<食盡亞洲>

豈能沒有日本菜!!!

BFFJ特別找了一家關東煮

um...其實我對關東煮就沒什麼既念~

第一次接觸是台灣7仔裡的小吃

感覺有點像香港車仔麵的料

反正就是每次去台灣走進7仔也會想買一兩串來吃

而哩間關東煮食店...係只有關東煮~

主理人仲要係日本人

[虛榮心MODE+心心眼] 咁咪好地道囉~~~

<關東煮手作坊>係偏僻位黎既~

澳門先刂雞街41號

實際位置係邊...我講唔出~

我係經過大三巴再行落去~大約15分鐘~

有地址, 有GOOGLE MAP, 其實要去的話係無難度架~

唯一的難度係...營業時間

6點鐘先開~

所以, 唔駛太早行過黎~

但又唔好太晏~ 晏左就多人架啦~

哩張相係我地離開既時候影

6點半左右~人...開始聚集

我地先由店主解釋下咩係關東煮~

店主好貼心~

除左詳細解釋外,

亦明白到我地其實耐性及集中力有限

所以直接點出左3大重點!!!

嚴選頂級質量食材由日本直送而熬成的一鍋好料理!

無味精, 請喝湯~

講明除左料靚, 湯更靚!

我好鐘意! 簡單易明!

一睇就收到晒!!!

無問題, 作為味精Detector!

我一定會試下D湯係咪咁堅架~!!!

貼心的店長話~ 要先試湯,

再點醬, 醬不要加入湯中~

湯可以再加的~

材料方面, 沒特別評價.

醬料方面, 是店長特調~但對我來說沒什麼記憶點

但, 湯真的很鮮甜~!

而且真的沒有味精~

味精敏感沒有發作~也沒有急需飲水的衝動

為沒特別評價的材料生色不少~

因為這個湯, 必備點蘿蔔~

大根先生吸盡了湯底的精華~

我很後悔沒叫豆腐

下次我要試試豆腐, 吸盡湯汁的豆腐應該很正!!!

烏冬也是店長推薦的, 所以加點了來試看看~

烏冬是蠻Q的~

其實有了這個湯, 什麼都會大加分呀~

因為我已經迷上了這個湯~~~

所以, 再去澳門的時候, 我一定會再去大食特食的!!!

想知道更多不妨看看以下連結:

Facebook - 關東煮手作坊

[2016 復活假不能浪費之食盡亞洲at澳門withBFF] 譚家魚翅

本來我地無諗過去澳門食翅架~

而我亦唔知原來澳門有食翅專門店!

不過, MMJ有朋友都係同一日係澳門~

而佢朋友想約埋一齊食翅

所以先會有譚家魚翅哩個行程

本來約左MMJ的朋友係氹仔個間食~

聽聞係老店

但實在太多人, 而MMJ朋友又要趕船.

咁我地其實都無特別想食翅

所以當日我地係放棄左哩個行程.

但係第二日...係大三巴附近亂行時,

突然發現了譚家魚翅, 而且無人~

當時我地都無諗住食

後來, 周圍都係人, 而我地又有點累想坐下~

所以中左入去食翅

坐底個一刻

突然有點怯

我地真係食翅?好似好唔環保喎?

唯有安慰自己...食最普通個D同埋無下次!

哩個係MOP48的黃燘大排翅(1.8兩)

大約有2份咁樣的翅

我真係唔識咩先係靚翅~

其實...我覺得...翅係無味既...

但個湯真係好得~好濃味

由於唔太餓, 我地share一個飯

試下魚翅撈飯

講到底, 都係全靠個湯~

真係好正!!!

個湯呢~

濃到我地一度以為有味精

作為味精Detector, 我confirm無味精!

真係好想encore個湯底~

所以, 我強烈建議要推出淨湯~

或者以素翅代替~

想知道更多不妨看看以下連結:

Open Rice - 譚家魚翅

[2016 復活假不能浪費之食盡亞洲at澳門withBFF] Isaac Toast & Coffee

係澳門應該食咩早餐好呢?

傳統中式粥粉麵? 定係西式腸蛋多士?

結果...

MMJ係帶左我地去食韓國有名的早餐店~

Isaac Toast & Coffee

我去SEOUL個時MISS左無食到~

MMJ強力推介~
所以我係滿有期待的~

我地大約11點行到去~

剛好有人走, 所以唔駛等位~
12點左右離開, 門口有差唔多20人呢~
有等位, 又有等外賣.
早起到的話, 不妨早少少去嘆下~

滿滿的MENU~選擇十分之多~

但其實menu有點殘舊, 需要關注一下~

對於我未去過的食店, 通常有2個選擇

Signature or Limited

當然最好兩者都可以試下啦~

不過今日, 哩個Limited實在太吸晴~

直接試佢!

Well~實物同promo image從來都係有差異架~

不過, 味道才是重點嘛

食過後, 才會明白, 

為什麼MMJ發現澳門開左就一定要黎~

為什麼會讓人那麼抗拒不了!!!

先說外層, 雖說toast係應該脆卜卜先好味~

但其實我好怕, 因為太乾同埋感覺好熱氣,

重點係我一定食到一身都係~

而issac的麵包, 感覺像烤過, 但係軟綿綿的~

烹飪高手MMW說, 因為, 這是塗了牛油再去煎的~

難怪呀~~~香口但不會覺得很熱氣

反正toast都要塗牛油, 先塗的感覺實在太好~

再來是牛肉,

我不是品牛的能手,

只能說...實在是juicy!

最後是似有還無的issac醬汁~

酸酸甜甜的~ 很開胃!

這個醬汁真的很正!!!

Isaac Toast & Coffee很值得一試!!!

不論去seoul or macau都不應該錯過

需要encore!!!

聽聞coffee也是不錯的, 留返encore再試~

想知道更多不妨看看以下連結:

Facebook - Isaac Toast & Coffee Macau

[2016 復活假不能浪費之食盡亞洲at澳門withBFF] 檸檬車露 Lemoncello Gelato

復活節的大三巴人多到癲左~

所以我地選擇行後街~ 希望可以少人少少~

所以就遇到LemonCello Gelato 檸檬車露
[ 地址:新馬路大堂巷11號地下]

檸檬車露多有名大概不用我說~

頂著 2016米芝蓮香港澳門指南-澳門篇的街頭小食推介 的銜頭

廣東話入面 GELATO係意大利雪糕, ICE CREAM係雪糕

都係雪糕啫, 有咩分別先?

個人感覺, 

我食左檸檬車露[招牌]+西柚.

GELATO係無咁奶既, 有D食緊冰既感受. 但又唔係SORBET咁冰既~

相對ICE CREAM, GELATO的果味係出D既~

檸檬車露真係有檸檬酸, 而西柚呢, 直情有堅‧西柚個種苦~

咁GOOGLE神又會點分ICE CREAM同GELATO呢?

主要有4點分別...

1. 脂肪含量

GELATO的的乳脂肪含量在4%-8%左右~

根據美國農業部的要求, 乳脂含量不少於10%才可以標籤為ICE CREAM

所以GELATO食落會覺得無咁奶~

YEAH~我食得出分別~~~

2. 空氣含量

GELATO的制作係以低速攪拌, 

所以打入的空氣會非常少,

因此GELATO的口感會較綿密.

若果是以手工打制的話, 打入的空氣會更少.

的確 LemonCello Gelato 檸檬車露 的GELATO的話食落去好實~

我以為係因為奶/CREAM的含量比較少,

原來係因為制作而形成分別

3. 含糖量

GELATO的糖分含量多在16%-24%,
ICE CREAM大約在12%-16%

GELATO糖分含量較高的原因在於成份中包含葡萄糖漿蔗糖同大量新鮮果汁

即刻解釋到點解果味咁濃, 原來係成份中有大量新鮮果汁!

4.保存條件 - 溫度及期限

ICE CREAM係制作過程中打入大量空氣及乳脂含量較高,
需要較低溫儲存及保質期會耐少少.

而GELATO乳脂含量低d, 所以溫度唔駛咁低~ 

同埋用左大量新鮮果汁, 好明顯品嘗期限會短d~

我朋友食左黑朱古力味~

我地仲講笑因為份量少, 所以食晒時杯底都仲可以白雪雪~

而家諗返,
可能係因為保存溫度相對地可以高d, 所以食晒都未開始融化~

講左咁耐, 即係點先?

um...要試~!!!

為什麼呢?

不試過, 又怎知道手作GELATO係咩口感~

日後點可以比較機制GELATO, SORBET, SHERBET, GRANITA同FROZEN CUSTARD呢?

世界那麼大, 甜點那麼多, 一樣都不能錯過.

至於是否需要encore?

encore這回事嘛~ 看你感覺囉~

我就看排隊的人多不多? 天氣有多熱?

想知道更多不妨看看以下連結:

Open Rice - 檸檬車露 Lemoncello Gelato

Facebook - 檸檬車露 Lemoncello Gelato

冰淇淋家族科普大全